'നാദാപുരത്ത് ഇത്തവണ ചരിത്രം തിരുത്തും'; വികസന മുരടിപ്പിനെതിരെ വോട്ടർമാർ പ്രതികരിക്കുമെന്ന് അഹമ്മദ് പുന്നക്കൽ

വാണിമേൽ: (nadapuram.truevisionnews.com) യുണൈറ്റഡ് ഡെമോക്രാറ്റിക് ഫ്രണ്ട് (UDF) കോഴിക്കോട് ജില്ലാ കൺവീനർ അഹമ്മദ് പുന്നക്കൽ, കാലങ്ങളായി ഇടതുപക്ഷത്തിന്റെ കോട്ടയായി അറിയപ്പെടുന്ന നാദാപുരം നിയോജക മണ്ഡലത്തിൽ ഇത്തവണ രാഷ്ട്രീയ ചരിത്രം തിരുത്തിക്കുറിക്കുമെന്ന് പ്രഖ്യാപിച്ചു.

വാണിമേൽ പഞ്ചായത്ത് യുഡിഎഫ് തിരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്ത് സംസാരിക്കവെയാണ് അദ്ദേഹം ഈ ആത്മവിശ്വാസം പ്രകടിപ്പിച്ചത്. മണ്ഡലത്തിലെ വികസന മുരടിപ്പിന് അറുതി വരുത്താനും ശാന്തിയും സമാധാനവും നിറഞ്ഞ ഒരു അന്തരീക്ഷം ഉറപ്പാക്കാനും വോട്ടർമാർ യുഡിഎഫ് സ്ഥാനാർത്ഥി കെ.എം. അഭിജിത്തിനൊപ്പം നിൽക്കുമെന്ന് അദ്ദേഹം കൂട്ടിച്ചേർത്തു.

വാണിമേലിലെ കമ്മിറ്റി ഓഫീസ് ഉദ്ഘാടന ചടങ്ങിൽ ചെയർമാൻ വി.കെ. മൂസ മാസ്റ്റർ അധ്യക്ഷത വഹിച്ചു. നിയോജക മണ്ഡലത്തിലെ വോട്ടർമാർ മാറ്റത്തിനായി ആഗ്രഹിക്കുന്നുവെന്നും അത് ഇത്തവണ വോട്ടെണ്ണുമ്പോൾ പ്രതിഫലിക്കുമെന്നും നേതാക്കൾ അഭിപ്രായപ്പെട്ടു.

ചടങ്ങിൽ കൺവീനർ എൻ.കെ. മുത്തലിബ് സ്വാഗതം പറയുകയും ചിക്കപ്പുറത്ത് മൊയ്തു, സി.പി.സി. ആലിക്കുട്ടി, കളത്തിൽ കുഞ്ഞാലി മാസ്റ്റർ, കെ. ബാലകൃഷ്ണൻ, ടി.കെ. മൊയ്തൂട്ടി തുടങ്ങിയ പ്രമുഖ യുഡിഎഫ് നേതാക്കൾ സംസാരിക്കുകയും ചെയ്തു.

Ahmed Punnakkal says voters will respond against development stagnation